ابوذيات عراقيه حلوه

يابه عاشت ايدج شنو انتي طلعتي بلوه مال شعر

هههههههههههههه لعد شعبالك سمروت هاي انت بعدك مشفت شي
تسلم ورده على مرورك الرائع
تحيااااااااااااااااااتي

هاي شنو ام علاوي شو دتبدعين على كيفج ويانة شوية هع هع
تحياتي الج وردة ومشكورة على هاي الابوذيات الحلوة

ياسر......
بعسر حالي ابد ما اكول ياسر
وعلى اسراري اكلك بعد ياسر
اذا عمار يمه انكتل ياسر
انكلب حمزه وتعال الحك عليه

الله عاشت ايـــــــــــــدج علئ هايالابوذيات الحلوه يسلمو

عاشت ايدج ام علاوي والله ابوذيات مو طبيعية
تقبلي مروري

تحياتي

اسكت لا تظل تشكي بهاماك
وتلوم الروح وتعضعض بهاماك
اخذ طبع النخل وارفع بهاماك
واذا بالطين عركك هاي هيه
********

لان طكات شماتي بهاماي
وشل لا تظن عيني بهاماي
اذا عز ال رضى يبصم بهاماي
اكطعه ان جان يرضالي برديه
****
الدنيا شما احبنها وابرها
تزرفني بمخايطها وابرها
جاعت ناقتي واكلت وبرها
الدرب طول واخاف ترد عليا
****
بحرك كمت دورته وبرك
وبعد ما ينفع ايمانك وبرك
اذا مخيط الك نابت وابرك
وشم دكن بقلبي من الاذيه
****

تقبلي احلى التحيه