قصائد قصيره في الحب

قصائد قصيرة
1
كون بگلبي تدري اشيحمل اسرار ..
وكونك تفهم بنظرات العيون ..
ليش آنه من اشوفك اشتعل نار ..
گوم الحگ عليه وشوفني شلون ..
احبك .. وآنه باقي وياك محتار ..
شفت اعيونك آنه .. وصابني اجنون ..
ولك گلبي گلب .. مو كومة احجار ..
ومن حقي آنه اگلك .. بيك مفتون ..
بارد لشوكت .. مره انگلب حار ..
وچويني واگلك آني ممنــــــــــــون ..
2
امبين عليك الهوى ..
ومعروف احساسك ..
وشبيك شو مرتبك ؟
من جدمك لراسك ..
فضفض اشما بالگلب ..
واحچيلي ما عندك ..
ولتخلي ماي الخجل ..
يطفح على خدك ..
بعيونك انت الحچي ..
وبعيونك انت اسرار ..
واشبيك من تلزم ؟؟
شو تچوي مثل النار ..
واضح عليك العشگ ..
لا تخفي انت الصار ..
احچيلي آنه اسمعك ..
لتخاف من كلشي ..
هو العمر منگضي ..
وبسرعة من يمشي ..
بس راح اريحك انه ..
وانطيك البگلبك ..
آني احب اجيتك ..
واعرف مدى حبك ..

هذه بعض القصاائد لشاعر الحب محمد رحيمه الطائي
وللموضوع بقيه
تقبلو احلى واطيب التحيه

[/size]

عااااااشت ايدك حبي انت والشاعر محمد رحيمة الطائي على الكلمات الروعة

تقبل مروري وردة

تحياتي

حبيب قلبي علااوي
تسلم حبي على مرورك وتسلملي على ذووقك الحلووو

تحياتي الك

سفلثقف

التكمله للموضوع

( 3 )
بدلت گلب حجر .. من ردت اجيك ..
ولما شفتك .. انكسر گلبي عليك ..

( 4 )
مالحت وحد سمه ..
وجبت النجم ..
چنت صاعد انته فوگ امتوني ..
جايني اتداعيني هسه اعله الدموع ..؟؟
وانت كل ادموعك من اعيوني ..

( 5 )
بشر انتي وبشر آنه ..
ونفس الاحساس اللي عندچ ..
عندي أنه ..
بس فرق من امشي .. خطوة خايفين ..
وانتي خطواتچ من الله امرهدنه ..
وفرق حتى الضحكة ..
من عندچ هدوء ..
وآني ضحكة شفتي ..
چنهه امسودنه ..
وفرق عمرچ .. يصغر ابعكس السنين ..
وآنه كل اليوم اليمر اكبر سنه ..

( 6 )
إذا انت شهر .. متهزك اشواگ ..
آنه ساعه .. واظل ابچي من الفراگ ..

( 7 )
لأن آني احبك ..
كلشي ضحيت ..
بعت روحي وحلالي ..
بيع محتاج ..
ردت بس كون احس ..
وياك كفيت ..
بس اعذرني ..
ما سدن تره اوياك ..
وبعتك على مودك من توازيت ..

تحياتي

مشكور حبي عالكلمات الحلوة وعاششت ايدك حب تقبل مروري وتحياتي الك

حبيبي ابو اليسر
تسلم على مرورك ربي لا يحرمني هذا الذووق الحلوو

دمت بكل ود واحترام
تقبل التحيه
c54s98