يكول الحبيب وترد علي الحبيبه شوفو شيكول وشدكول

ايكول الحبيب.....
احبسني بين رموش عينك وبس مؤبد خل يكون
وما اريد افراج منك مثل كل باقي السجون
وعني امنع كل زياره وما اريد اهلي يجون
احبسني وامنع كلشي عني واذا العالم يسألون
كول عني الي تكوله ادعي عليه الجنون....

واتكول الحبيبه.....
اني اريد اطلق سراحك حتى اشوف الدنيا بيك
واريد اشوفك من تجيني وحضن تحضني بأديك
قبل لاحبيت غيري وغيري جانوا حابسيك
تتعب وتحس وتعاني واني محد يدري بيك
الك مسموحة الزياره وخل يمر كل من رايد يعتنيك
وشوف همه وشوف اني وياهو الي لايك عليك
تسوى عندي العمر كله الحجيه براسي الدقيقه البيها يافلان التقيت

ايكول الحبيب ......
اني وين الكاها كلي انسجن بأجمل عيون
وين ماتروح اني اشوفك وانسى كل ذيج الضنون
اتنام عيني اتنام يمك تصحى بيعونك اشمك
كلبي ويه كلبك حبايب يلعبون
وبلكي من تاخذ عليه ايجوز فرصة اتصير ليه
وعلى اشفافك اني امون

اتجاوب الحبيبه....
ما اكول الي اكوله وما اعيش الحب على كد الضنون
ان جان سجنك وسط عيني تروحلك فدوه العيون
انت قضبانك رموشي وبيدك اتسدهن وتفتحهن والك كلشي يهون
وان كان سجنك وسط كلبي ويا كلبي شكد حنون
انت نقطه ظعفي انت والمساجين المثلك على الكلب يدللون
وانت ماتنتظر فرصه شفافي وشفافك صحبه
وحده على الاخره تمون
واني ما ادعي جنونك حبيبي اليحب حتماً يصاب بحاله جنون

************
إنتَ أكبر معجزة ودوّخت كون
وغصن البان .. من طولَك خجل

خلّي اكتب عنّك وما راح أملّ
وراح املل بالغزل حتى الملل

هاي نسمة ليل تتعارك وياك
اتغار من شعرك لإن شعرك حَلل

وهم اجا البستان شايلّك عِتاب
لإن منّك مستحي الورد وذبل

وانا اجيتك وارحم گليبي الرهيف
لإن خصرك صاك وصار بية شَـلـل

انا ما شايف أصبع ينگط حلاة
ومن يجيس الماي يتحوّل عسل

تحياتي الكم
فرات العاني هذا الربط

عاشت ايدك حب على هالكلمات الروعة تحياتي الك اخوية

اخويه العزيز ياسر الذهب شكرا على المرور ورده تحياتي الك

عااااااااشت ايدك اخوية الغالي فرات على اللاشعار الحلوة

تقبل مروري وردة

تحياتي