الى كل العراقيين عاجل

عراقي اني ابو الغيرة .........وبدمي عراقيتي
لا سني ولا شيعي...............عراقي تكول جنسيتي
ليش احنة وبياذنب كول ............اطفالنة مذبوحة
يومية نزف عرسان...............مشدودين على اللوحة

نداء نداء يا عراقيت توحدوا كافي ضيم وقتل وتهجير وتفجير ونهب وسلب
كافي خوف ورعب وقلق من المجهول مو والله تعبنة والله تعبنة هو منو عمر ومنو علي احنة منوصل لترابهم الي نايمين بي كافي جهل اصحوا وحسو على الي يسوي المحتل واذنابهم بشعبكم تعالو شوفو سيدنا عمر وسيدنا علي شلون حب جان اكو بيناتهم

1_ قال عمر الخطاب رضي الله عنه (( لا ابقاني الله في أرض لا اجد فيها أبا الحسن ))

2_ عن محمد بن علي بن أبي طالب قال: قلت لأبي أي الناس خير بعد النبي صلى الله عليه وسلم قال : (( ابو بكر قلت : فمن بعده ؟ قال : عمر الفاروق , قلت : فمن بعده انت ؟ قال : ما انا الا رجل من المسلمين ))

3_خطب الامام علي كرم الله وجهه على منبر الكوفه فقال (( خير هذه الامة بعد نبينا أبو بكر وعمر ))

4_وعندما استشهد عمر الفاروق قال الامام علي كرم الله وجهه : (نور الله قبرك يا ابن الخطاب كما نورت مساجد الله بالقران ))

5_وعندما توفي ابو بكر قال الامام علي كرم الله وجهه (( رضي الله عنك وأرضاك والله لقد كنت بالناس رؤوفا رحيما ))
ارجوا ان تكون هذه الكلمات الذهبية قد أثرت فيكم وانا تعمدت هذه الاحاديث واصحاب هذه الاحاديث لا سباب انتم تعرفوهه جيداً ...

سألوني من تعشق ؟ أجبتهم العراق !!
سألوني بمَ تفكر دائما ؟ اجبتهم العراق!!
سألوني انت شيعي او سني ؟ اجبتهم وبكل فخر انا ابن العراق!!
عراق واحد شعب واحد ارض واحدة !!
والذي ينكر هذا الشيء فهو ليس بعراقي !!

اخ يا زمان احنه اشكد مساكين عايشين بالعراق مثل المساجين لان بالجنسيه مكتوب عراقيين وصارلنه بالقهر عايشين اربع سنين ليش اطفالنا من المدارس محرومين وشبابنه من الخوف بالبيت كاعدين وناسنه سافرت لسوريا ولعمان وصلوا للصين وياربي هم تفرج علينا لو نبقى معذبين وهم نبقى بين الدول مطشرين

سألوني انت منين؟؟ نشوفك مهموم وحزين مضيعلك حبيب؟؟ لو اهلك بعيدين؟؟؟؟؟ من سوريا؟ لو من عمان انت ؟لو من الامارات.؟ لومن البحرين؟ كلتلهم سوريا جارتنا بيها احباب عايشين. وبعمان عدنا ناس راحولها مجبورين. وبالامارات حبايبي وبالبحرين صديقي وجاري همينا مهجورين هذولة احنا بالعالم متشردين وللغربة وللاعداء وطنا عايفين هسة عرفتوني اني شنو وأني منين؟؟ اني اللي يسموني عراقي ابن الرافدين