الواحــــــــــــد فــــــــــرد

هذه احدى قصائد الشاعر الكبير نائل المظفر يتغزل فيها بوصف محبوبته ارجوو ان تنال اعجااابكم





الواحد فرد ما يقبل التقسيم
بس اني انقسم وبدونك اتعدد
****
أتقسم بدونك وانجمع وياك
لان كلي ويَ كلك بيك يتوحد
****
جنت جاهل واجيك اتشرد من الناس
هسه اتعلمت من نفسي اتشرد
****
عشكَتك ذره ذره وصرت اغار عليك
واذا محد يبوسك اذبح المحــــد
****
ولك لا تنطرح يم ناس تعبانين
مو طولك حصار شلون تتمدد
****
وشعرك ليله ظلمه توحشت ع الريح
كلما هب عليها تلفلفه باسود
****
وجبينك ايد موسى امعجزه البيضاء
مو حقه الكفر من شاافك اتعــــبد
****
وفراشة نور اذنك والزلف خطاف
مره يحط عليها ومره يتبعد
****
وجفنينك سما ومجفي على رمشك ليل
اذا ترمش يظل فرقد يطك فرقد
****
يل عينك بحيرة كل هدوء الليل
ودموعك نوارس لو مشت ع الخد
****
وعلى خدودك صور منقوشه من بوسات
اباوع بالصور ما بايسك احد !!!
****
وحنجك صدر بجعه انصاغت من النور
اذا ماتت شمس من نوره تتولد
****
ومثل زمزم رقبتك نص ذهب نص جام
وعين الماي هاي ال ع الصدر تركد
****
يا ابو ايد الثلج لا تطلع بتموز
مو خاف الثلج خاف الخلق تبرد
****
واذا لا مو ثلج كل هالبياض منين ؟؟؟
معقووله العظم فوق الجلد يصعد
****
يل جتفك مناره بيا شرع يا دين
اموت من العطش وكبالك اتشهد
****
وحدر جتفك فرات ودجله ملتقيات
وشفت شط العرب جوه الجتف ينسد
****
يا ابو ساق القطن ليش افتحت لك باب
مو خاف القطن بالعين يتفرهد
****
خطاوتك حضاره وخصرك التاريخ
اذا تمشي العرب فوق الفرس تصعد
****
وعلي كلما تمر يجبرني حسن البيك
اوصفنك لجن من وصفك اتردد
****
لذلك ما وصفتك واعتذر يا هواي
وصفت الخيال المنك اتولد
****

تقبلوو ارقى التحايا واعطرها

اخووكم

»-(¯`v´¯)-»@[ قيصـــ[ـــ الحب ـــ]ـــر ]@ »-(¯`v´¯)-»

روعة يامبدع كلمات حلوووووووووة يسلمووووووا حبي وعاااشت ايدك

تقبل مروري وردة

تحياتي

تسلم ابن العراق
دامها عجبتك هذا شرف الي حبي
ومرورك عطر متصفحي بعبير ورودك

تقبل التحيه
اخوووكـ

يااااسر حبي

تسلم على مرورك الرااائع نورت الصفحه

ان شا الله دومك تنور بوجودك تحياتي
اخوووووكـ

قيصــ الحب ـــر
من العراق الى العراق