عراقيين وسكنا الغربة

متغربين احنة..........لشوكت نبقى؟؟؟؟؟؟؟

عراقيين احنا وسكنه الغربة
جرعنا الضيم والهم نشربه
لا يمنه أهل ولا صديق
عشنا أيامنا بحصره وبضيق
تحملنا لهموم و شلنا المصايب
كتلنا الضيم وشفنا العجايب
مرت علينه اسنين هواي صعبه
عراقيين احنا وسكنه الغربة
ــــــــــــــ
بالغربة شفنا الذل و الاهانة
ومن طحنا محد وقف ويانه
بكينه ومحد مسح دمع العين
فرينا الكون وهمومنا بالملايين
والوكت ويانه سوه حربه
عراقيين احنا وسكنه الغربة
ــــــــــــــ
لفينا الدنيا وغركنا بالمحيطات
غيرنا اللهجة وحفظنا انواع اللغات
سمونا لاجئين وسمونا وافدين
وكلها بالغرب تسئل انت جاي منين
عذبونا وحركوا كلوبنا الطيبة
عراقيين احنا وسكنه الغربة
ــــــــــــــ
بالغربة ذلوا العراقي والعراقية
شفنا الويل وماجبنا طارية
قصص وسوالف صارت علينه
يبجي عليها اللي مادمعت عينه
ايام الغرب ماتنذكر صعبه
والشوق يكتلنا ومانسينا الكاع والتربة
عراقيين احنا وسكنه الغربة