دخيلك ربنه فرج عنه خــل نرتــاح
وشوف بعينك احنه شبينـه مابينــــه
ماشفنه الفـرح كل هاي الاسنيـــن
بس طاري الحـزن خيـــم علينـــه
صار سنين نبجي وماضحكنه بيوم
تفجير وقهـر والضيـــم عامينـــه
يجيلك شخص ما اعرف تراه منين
بايــع اهلـــه بايــع حتى دينـــــه
يفجـــر ومايميز بين هاي النـاس
والراح بغــــدر شيـرده لينــــه
يالنيتك غدر ابتعد عنه ارجــوك
من كثر الجروح البينـه ملينــه
نريد نعيش احنه ومثل هاي الناس
مو حتى الطفـــل دمعـة عينــــه
اطفــال الدول تلعب ومرتاحيـــن
وطفلك ياوطن يبجي اعلى رجلينه
نحلم بالوطن بيه الشعب مســرور
بس حتى الحلــم ما صـح بدينـه
نصبر والصبر مل والله منـــه
شلون البشر يصبر كـل سنينـه
كل هذا الجره يعراق الاحزان
ميغيــر طبعنـــه ولا حجينــه
ما تنــذل حضارة بابل واشور
بوجود حسين ماكو ذراع تلوينه
تره احنه اخوان والله وكلنه متحدين
ويبقه اسم الوطن هوه الي حامينـــه
الرئيسية 
أحدث الصور 
التسجيل 
دخول 
