قصـــــيــ في مدح البناات ـــــــده

لا تكولون الذنب ذنب البنات

وبالهوا تكولون ما عدهن وفا

قلوبهن ترفه ورقيقات النسااء

الله خالقهن حنان وعاطفه

الف هنياله اليحب طيبة صفات

والف هنياله ال على ايديها غفى

رقة واحساس ووفى وطيبه وجمال

ليش ادم ما حمل هاي الصفه ؟؟؟

لا تكولون الذنب ذنب البنات

وبالهوا تكولون ما عدهن وفا

قلوبهن ترفه ورقيقات النسااء

الله خالقهن حنان وعاطفه

على كيفك وي قوارير الزجاج

ولا تخليها بمهب العاصفه

بهيده وي حواء مو ذني البنات

جفوفهن لجروحنا بيها الشفا

تدري شيحس القلب لو هنه يوم

يمرن قبالك طيور مزلفه

وتدري عينك تفرح وبيهن تشوف

لوحه من ربك جميله مزخرفه

لا تكولون الذنب ذنب البنات

وبالهوا تكولون ما عدهن وفا

قلوبهن ترفه ورقيقات النسااء

الله خالقهن حنان وعاطفه

انت ياللي تكول باعتني برخيص

انت مو قد الهوا ولا تعرفه

الغزال رهيف وبسرعه يطيح

من تتعبه وفوك حمله تكلفه

الذنب ذنبك انت للفرقى اعتنيت

وجان قلب الحلوه بيدك واختفى

هي جانت قمر وبدربك ينور

وانت خليت القمر بايدك طفى

لا تكولون الذنب ذنب البنات

وبالهوا تكولون ما عدهن وفا

وانت ياللي تكول ما وافت وياي

اسالت روحك ليش لمن عافتك

جان ما بعدت ولا عنك تروح

كونك تحبها مثل ما حبتك

تذكر العشره وبدايتها الدموع

وذيج لهفتها التعادل لهفتك

لا تشهر بالحبايب بالكلام

واذكر جفوف المسحت دمعتك

احفظ لسانك ترا باجر تعود

الصحبه حوبه ولا تضيع صحبتك

خلي خط رجعه ولا تبغض عزيز

يعود للروح العشق مهما اختفى

لا تكولون الذنب ذنب البنات

وبالهوا تكولون ما عدهن وفا

تزعل الحلوه الرقيقه بلا ذنووب

وتنتظر منها تجيك وتعتنيك

من يكول اللهفه ما تمر بيها يوم

ومن يكول الحلوه ما تشتاق ليك

الحبيبه الجنت تشتمها ورود

اشتريها بكلمه واصدق بالكلام

اتضحي الك بالدنيا كلها وتشتريك

المهره يا اهل الهوا من خيالها

وما تقرب للضعيف قبالها

الخسرها يكول خانتني وبقيت

والربح شاطر ويشغل بالها

طيور جنه وتمشي ع الكاع البنات

واليزعلهن قليل المعرفه

هن النا واحنا الهن للمات

بغير عشه الطير ما نام ودفا

لا تكولون الذنب ذنب البنات

وبالهوا تكولون ما عدهن وفا !!!

تقبلوو احلى التحيه واعطرها

وتحيتي لكل امراءة ساهمت في مسح دمعه رجل

ولكل انثى نوّرت درب رجل فتمهّل يا ادم مع رقيقات الخلق

واحسن معاملتهن .....

ارجو ان تعجبكم

تحياتي

قيصــ الحب ــر

يسلمو عاشت ايدك على المدح تحياتي الك

تسلم عيوني على مرورك الحلوو
تحياتي الك ورده