هلو شطوطاتي الحلوات اليوم راح اتفلسف شويه وانطيكم كم نصيحه تصيرين بيها هيفا بعيون حبيبك او زوجك اولا حضرو ورقه وقلم لان كلماتي حكم ههههههههههههههههههههه منو منا ماتريد تصير هيفا بعيون حبيبها اويلي على الحمزه لعبت بينا طوبه هيفا خبلت العالم المهم مااطولها عليكم شطوطاتي اول شي حبيباتي حبي بصدق بدون انانيه حبي حبيبك من كل قلبج اعتبريه هو انت خافي عليه بس مو تطلعين روحه بخوفج اهتمي به حسسيه انه ملك حتى لو ماكو بجيبه ربع وبنطلونه متداينه من صديقه حسسيه هو احلى رجل بالعالم بس مو معنى هاي انه تكعدين تصبغين ليل ونهار تره حتى المجامله الزايده عن حدها تنقلب للضد ويكول هاي ناصبه عليه وكوني اله اقرب من كل الناس مو تلزكين بيه
وتكتمين على نفسه لاشطوطاتي اقصد لازم يحس انه انتي ملاذه الوحيد مايرتاح الا يجي يمج او يتكلم معك وبيني وبينكم كل البيوت العراقيه مشاكل تلقيه طالعه روحه من مشاكل امه وابوة ليل ونهار يتعاركون انت صيري صوره ثانيه حتى لو انت طبعك نكدي والله مايجرعك ويه كل الناس صيري نكديه الا مع حبيبك
صيري اله البلسم الشافي يمه فدوه ام عيون رهيبه صايره ابدع المهم والثقه شطوطاتي اهم شي الثقه حتى لو انت متاكده هو يخونك بكل دقيقه امنحيه ثقتج هسه تكولين شلون وكرامتي وكبريائي وعنفواني اني اكلج كله كلام فارغ بالحب ماكو كرامه كرامتك من تتحولين من كبل وحبيبه الى زوجه وتلالي الحلقه بيدك وتكسرين خشم اكبر وحده كان عنده علاقه وياها من تصيرين ام كرار لو ام عموري شحلاتها يمه فدوه شطوطتي بنيتي الحبابه الي تسمع الكلام تره الرجال لو مهما كان خائن يجي يوم ويستحي على نفسه من يشوف المقابل يحبه بصدق ويعشق كل ذره به والشغله يرادلها صبر ماماتي اصبرن على الرجال يجي يجي وين يروح
المهم انتن التزمن بنصائحي شي اخر احب اضيفه لازم تخليه يوثق يحجي لك كلشي مو تطلعين اسراركم لصديقاتج لو لاهلج تره الرجال بطبعه كتوم وخجول جدا ومايحب احد يعرف شي عنه وثانيا عيب احد يعرف شي عن علاقتك مع حبيبك وزوج المستقبل كذلك لازم ماترهقيه بالطلبات وماتكعدين تفيكين براسه بابا مايقبل ابن عم خالتي ناهي عليه تره الرجال يضوج من هجي كلاوات
تحياااتي الكم
الرئيسية 
أحدث الصور 
التسجيل 
دخول 
