بنــــــــــــــــــــــــــ العراق ـــــــــــــــــــــــــات

بنات العراق//
شالت هم الــوطن فوگ همهه
بنات البلد لؤلؤ وعقد مرجـــــان
احتار القلم شيكتـــــبلي عنهه

::

::

::

بت البصرة
بت البــــــــــــــــــصرة حرة والف حرة
اصالتهه من الـــخل كحيلة الســمرة
ما تعرف زعل والـــــــــــروح خـــضـرة
الچ مني السلام وارقى التحـــــــية

بت العمارة
شسولفلك علـــــــــــى بت العمارة
العاشرهن يبخته طالـــــــــت عمارة
الوفى دربة عليـــــهن والله ومسارة
كبرياء الهور وصفات الطير بيــــــــهه

بت بغداد
بت بغداد محتـار بأمرهــــــــــا
انيقة والدلـع مرافگ عمرهــــا
ضيكَ حيل مسودني سحرها
هي المشكلة وحـل القضاهـا

بت كربلا ء
بت كربلا رقة وحــــــــــــــــــــــــــــلاوة
ابتسامتهه خفيفة ومشيـتهه بهداوة
لاتعرف جفة لا تــــــــــعرف قســــــاوة
وفى تربة الگاع معجونة بيــــــــــــــهه

بت الموصل
بت الموصــــــــــــــل مزيونة وشگرة
بشوفتهه من كل مرض تــــــــــــبرة
قطعة من الفرح ضــــحكة ومـــسرة
اربعتهن ربيع فصولهه هـــــــــــــــي

بت السماوة
هايم انه ابت السمــــــــــاوة
هي الغلا وهي الغــــــــــلاوة
خفيفة دم ومعجونة بشقاوة
شاخصة مثل نخلاتهه هـــي

بت تكريت
اسألت گالو الحـــــــــــــليوة من تكريت
بنات مدسترة ومنـــــــــــــــورات البيـت
الوجنة ضوة والخدين جكليــــــــــــــــت
بنات العز والمرجلة هيـــــــــــــــــــــــــة

بت الشمال
بت الشمال مجرش جسمهـــــــــــــــــــــــه
مثل الجـبل ثابت كل حسنـــــــــــــــــــــــهه
دهوك وسليمانية واربيل يالتسئلني عنهه
تتكاسر بحلاوتهه وية الناصريــــــــــــــــــــــة

بت ديالى
بت ديالى الاصل هي والاصالة
برتقالة بالشكل وبالعگل فالـــة
همك صــبرهن اتكفل وشالـــة
بيهه اروع صفة واروع سجيــــة

بت النجف
بت النجف رزنة وطــــــــــــنون هيبة
نور وجنـــــــــــــــــــاتهه التايه يجيبة
موسوعة علم ما تدفع ضــــــــــريبة
تربات المراجــع والمرجعـــــــــــــــية

بنت الانبار
بنت الانبار استاذة بالكرم وتحسن الملگة
شعب طبي وعلاجك يمهــــــــــــــــه تلگـة
تجر الروح وتــــــــــــــملي الگلب حرگـــــــة
يعونة النزل عدهم وشرب مي منديهــــــه

بت ذي قار
بت ذي قار لا تنــــــــــــــــشدني عليهه
احتار الفكر منهه وعليـــــــــــــــــــــــــهه
كل صفـات الحســــــــن مجموعة بيــهه
تلميذة مضايف والكرم بيـــــــــــــــــــــهه

بت الحلة
بت الحـــــــــــــــــلة طيبة وطيب زايد
الوجنات الوردة والـــــــحواجب گلايـد
نصبن الكل گلب بصري مصـــــــــــايد
خد مربى وخد گيمر الســـــــــــــــدة

مشكور ياسر عله هاي الكلمات الروووعه تحياتي الك وتقبل مروري

مشكورة على مرورج الحلو وتحياتي الج وردة

عاااااااااااااااشت ايدك حبيبي ياسر عله هاي الكلمات الروووعه تحياتي الك وتقبل مروري

مشكور حب على مرورك الحلو وتحياتي الك اخوية

عاشت ايدك ورده 213s

الله ياتمسااااااااااااح مو كنالكم من البدايه متكدرون بليانا

هههههههههههههههههههه ام علاوي انتو الروح والرية شعدنة غيركم بس هنا ها هناك حرب بالقسم الثاني اعدائنة انتو